2006 елдан башлап 26 апрель көнне, Габдулла Тукайның туган көненә багышлап, Бөтендөнья татар яшьләре форумы «Мин татарча сөйләшәм!» республикакүләм акциясен уздыра. Быел ул 20 нче тапкыр узачак һәм үзенә күп чараны берләштерәчәк. 26 нчы апрельгә кадәр мәктәп балалары өчен квест, студентлар өчен квиз уены, яшь музыкантларны табуга юнәлтелгән музыкаль бәйге, квартирник узачак. 26 апрель көнне татар телендә иҗат иткән музыкантлар гала-концерты, телгә багышланган лекторий, татар дизайнерлары маркеты, төрле интерактивлар һәм күргәзмә оештырабыз.
Бу чараларның төп максаты – туган телнең кулланылыш даирәсен киңәйтү, аның дәрәҗәсен күтәрү, яшьләрне милли мәдәният кыйммәтләренә җәлеп итү. Әлеге чарада белем бирү оешмалары, балалар бакчалары, иҗтимагый оешмалар һәм республика халкы бик актив катнаша. Аның гомуми аудиториясе – 20 меңнән артык кеше.
Фатирник музыкаль бәйгедә катнашучы музыкантлар өчен оештырыла. Быелгы катнашучылар:
Илнар Сибгатуллин
«Клондайк» төркеме
Рәдис Шәрифуллин
Азалия Хәбибуллина
Ләйлә Хафизова
Данил Сәйфуллин
Эльвина Туйгульдина
Мәликә Юнысова
Гүзәл Сабирова